NÆRBUTIKK

I KJØLSDALEN KRINS!

 

Eigar av Landhandelen, Jan Kåre Sæthre, har informer om at han vel å legge ned drifta av Landhandelen frå 1.oktober i år.

På bakgrunn av dette blei det halde eit møte i Kjølsdalen Samfunnshus  18.juli, der Jan Kåre orienterte litt om Landhandelen og kvifor han vel å slutte med butikken.  Her blei også  planer om framtidig butikkdrift drøfta. Alle var einige om at det er svært viktig for  Kjølsdalen krins å ha ein Nærbutikk også i framtida. Det er viktig med kontinuitet i butikkdrifta både for handelen og med tanke på å behalde dei tenester og tilbod som er knytt til butikken i dag. Med dette tenkjer ein på medisinutsal, posttenestar, høve for uttak av kontantar, mottak/levering av varer med vareruta, utstilling for lag/organisasjonar/enkelt personar, oppslagtavle, sosial møteplass og så vidare.

Ein ser for seg at ei ny butikk bør kunne utviklast vidare i lag med bygdefolket i heile krinsen.

Det vert då viktig flest muleg i krinsen nyttar seg av dei tenestene som ein slik nærbutikk har. Haldningane og handlingane som bygdefolk viser til butikken vert avgjerande for om det er grunnlag for vidare drift.

På møte blei det sett ned ei arbeidsgruppe som skal sjå muligheita for ny drift av ein nærbutikk.

I arbeidsgruppa er Ove Kjøllesdal (som leiar), Jorunn Breiteig, Dianne Eikås og Jan Eide som representerar KKUL.

 

Arbeidsgruppa har alt hatt to møter der ein har gått gjennom målsettinga, ansvaret som gruppa har teke på seg, organisering, framdrifta fram til 1.oktober, dagens drift og kva som må til for ny drift. Ein har kome fram til eit forslag til organisering av eit bygdeaksjeselskap og vil gå rundt med ein spørjeundersøking for å kartlegge om der er ønskje og vilje i krinsen til å stå bak ei vidare drift av butikken.

Målsettinga er at det skal vere butikk i krinsen også etter 1.oktober i år!

 

 

Kartlegginga vert det gjennomført i dei komande vekene. Der vil då kome ein person til alle  husstandar i krinsen  for å stille nokre spørsmål. På grunnlag av denne kartlegginga vil arbeidsgruppa  avgjere om der er grunnlag for vidare satsing på nærbutikk i Kjølsdalen.  Kartlegginga vil vere med på å få til ein dialog med folket i krinsen og sjekka om her er ynskje og vilje til å vere med på etablering av ny drift av ein butikk. 

Spørsmåla er knytt til to hovudemne:

a)      om lag kor mykje av daglegvarene handlar du på nærbutikken i dag, og kan/vil du  kunne auke handelen i framtida?

b)      Vi du gå  inn med aksjekapital og eventuelt kor mykje, i ein nystarta nærbutikk?

Vi håpar at alle tek vel i mot dei som kjem rundt slik at enn kan få ei så god kartlegging som mogleg.

Parallelt med kartlegginga vil gruppa arbeide med opplegget for den nye drifta med oppgåver som  finansiering, husleigeavtale, avtale med kjøpmannsgruppa og Jan Kåre Sæthre, budsjett, organisering, osv.

 

Vi håpar at kartlegginga  vil vise at enn kan vere rimeleg sikre på at handelen skal auke med 20% til om lag 3 millionar. Som kapitalgrunnlag treng ein kr. 500.000,- der mest mulig bør vere aksjekapital. Di mindre lån ein har i utgangspunktet, di sterkare er grunnlaget for vellukka drift vidare.

Går alt etter planen ser ein for seg  stiftingsmøte måndag 26.august i Samfunnshuset.

 

Nokre tankar om kva som trengst  for at ny drift av ein Nærbutikk skal lykkast.

 

v      Ein må få til ei solidarisk satsing på butikken og eit engasjement som gjer at alle i krinsen får eit forhold til butikken og at butikken får ein identitet i krinsen.

v      Vi må synleggjere at totalt sett er det ikkje så dyrt å handle på ein Nærbutikk i forhold til kva det vil koste å måtte reise ut av krinsen kvar gong du må handle eller treng nokon av dei andre  tenestene som butikken kan tilby.  Hugs, det er for seint å finne ut dette når butikken er nedlagt!!

v      Organiseringa er viktig og ein ser for seg at i styret bør der vere 3-5 kompetente personar med erfaring innan økonomi og drift av selskap. I tillegg så bør enn ha ei idégruppe på 8-10 personar og ei arbeidsgruppe på 8-10 personar.

v      Idégruppa bør ha god kontakt og kommunikasjon med folket i dei forskjellige bygdelaga og skal vere støttespillarar for både styret og dagleg leiar i arbeidet med drifta og vidare utvikling av butikken.

v      Arbeidsgruppa skal vere disponibel for dagleg leiar og må kunne delta på t.d. vareteljing, nedvask, rydding, osv.

Med ei slik organisering bør enn sikre vidare drift og at alle i krinsen får muligheit til å delta på vidare utvikling av butikken.

 

Dersom du ikkje har fått svart på spørjeundersøkinga, hatt besøk på døra eller ynskjer å svare meir konfidensielt så ta kontakt med Ove på mobil 911 39572 eller e-post  ove@eidelektro.no . Du kan også gå inn på KKUL si heimeside, der vert skjemaet lagt ut.

Det er svært viktig at flest mulig svarar på skjema, både unge og eldre. Fleire frå same husstand må gjerne svare.

Dersom nokon ynskjer å delta på det vidare arbeid, har idear om den vidare satsing eller ynskjer meir informasjon så ta kontakt med Ove eller ein av dei andre i gruppa.

 

Vi håpar og satsar på at vi alle kan få oppleve ei nyopning med festivitas 1.oktober, og at vi saman kan vere med og sikre drifta og utvikle butikken vidare!

 

 

Med helsing

Arbeidsgruppa