| Kjølsdalen Krins Utviklingslag har vist stort engasjement for
bygdeutvikling i krinsen, og fremja bygdene si sak både overfor Eid kommune og Sogn og
Fjordane fylke. Aktivitetsnivået har vore svært høgt med både utfordringar og
frustrasjonar. Styret har arbeidd ut fra vedteken handlingsplan med støtte i Behovs- og Ressurskartlegginga og bygdemøter. Der har gått ut jamleg informasjon i bygdeavisa "Tavla". Laget har hatt følgjande medlemstal: Lag/organisasjonar 1 Privatpersonar 41 Næringsliv 1 Styret er av den meining at medlemstalet kunne vore større dersom det hadde vore arbeidd meir aktivt for dette. Det er ei utfordring at alle som har nytte av arbeidet i utviklingslaget støttar opp ved å betale medlemskontingent. Styret er samansett av representantar for dei ulike bygdene i krinsen: Styremedlem Varamedlem Lefdal/Midthjell Ann Iren Midthjell Ståle Lefdal Haus/Ervik Eldar Lien, leiar Leif Refvik Kjølsdalen Jan Sæthre, nestleiar Rønnaug Leite Reidar Lunde Reksnes Reidar Johnsen, kasserar Kolbein Ytrehus Ungdomsrepresentant: Kai Jonny Bugjerde Jan Eide valde å gå ut av styret halvvegs i året og vara tok hans plass. Styret har hatt 11 styremøter, dessutan arbeidsmøter etter behov. Arbeidet i styret er lagt opp med sjølvstendige prosjektleiarar for dei ulike prosjekt som rapporter til styret. Prosjektoversikt med status pr. dato ligg ved. Kjølsdalen krins kom i 1996 med i det 3-årige Bygdeutviklingsprogrammet i Sogn og Fjordane. I 1997 kom Hyen og Oldedalen med i tillegg til Eldalsdalen og Høyanger Sørside. Alle styremedlemane får tilbod om å delta på Bygdeforum-samlingane der ein knyter nyttige kontakter og får fagleg innsikt i ulike tema. Kjølsdalen krins var vertsbygd for Bygdeforum 7 og 8 mars der tema var lokaldemokrati og "bygdeutvikling som ressurs eller rusk". Vi sette stor pris på at Fylkesmann Oddvar Flæthe og representantar frå kommunane var med, dessutan var bygdefolk og andre interesserte frå Nordfjord inviterte til å delta. Rønnaug Leite vart invitert med på gjenvitjing/studietur til Skottland i regi av FMLA. Styremedlemane har også reist rundt til andre bygdelag i Nordfjord (Rugsund, Stårheim, Hornindal, Hyen), og snakka om det å starte og drive eit bygdelag/utviklingslag. Av store hendingar vil vi nemne; skuleutbygginga med påbygd Reform-97 skule, kombinasjonsbibliotek og bygdekontor stod ferdig og at pilotprosjektet "IT og Bygdeutvikling" vart ein realitet. Bygdekontoret er basen for utviklingslaget sitt arbeid, men styret vil igjen presisere at kontoret er bygd til nytte for alle i krinsen, og vi ser no at det er i bruk kvar dag. Laget har pr. i dag god økonomi som følgje av tilskot i høve Bygdeutviklingsprogrammet, men skuleutbygginga har også tilført midlar utover dugnadsbeløpet for bygdekontoret. Styret ser det viktig å ha pengar ståande som grunnkapital til framtidige prosjekt. I kjølvatnet av skiping av utviklingslag har det vorte kanalisert betydelege midlar til krinsen som er med på å skape optimisme og aktivitet. Alt frivilleg arbeid er verdifullt. Det er eingong slik at skal det skje nyskaping i bygdene så må dugnadsånda stå sterkt. Årets etablererstipend vart samrøystes fordelt med kr 5.000,- til Anna og Jens C. Jensen, kr 2.500,- til både Kirsti S. Sundal og Signe Aanonby. Vi ynskjer dei lukke til med vidare arbeid. IT etablerarane i bygda vil kunne kome med i dataprosjektet og dra nytte av dette. Nyskaperprisen for 1997 vart delt mellom Kjølsdalen Sanitetsforening for arrangementet; Julemesse, og Bergma A/S for utvikling av verktøy for masseproduksjon av skytematter. Utmerkelsen, ein dekorasjon laga av Berit Midthjell blei overrekt ved middagen under Bygdeforum i Kjølsdalen der Fylkesmannen O.Flæthe var til stades. Eid kommune har sett i gang arbeid med Kommuneplanen for 1997 - 2008. Ei av utviklingslaget sine viktigaste oppgåver er å bidra i høve dette arbeidet og arbeide aktivt i åra framover for å nå dei mål som er sett opp i visjonsdel og arealdel. For at dette skal lukkast krevst det god oppslutnad frå innbyggarane og at politikarane frå krinsen deltek aktivt. Ei svært viktig sak som no er i arbeid er det farlege vegkrysset i Kjølsdalen der vi vonar på nedsett fartsgrense inntil ei meir langsiktig og god løysing er på plass. I tillegg må vi oppretthalde folketalet og busetnaden ved at det til eikvar tid skal vere tilgjengeleg gode byggeklare tomtar og gjennomgangsbustadar. Fleire av sakene i utviklingslaget kjem inn under temaet "Natur og Kultur". Det er sendt søknadar om BU-midlar til restaurering av kulturminner og kulturlandskap. Vi vil spesielt takke Jan Sundal som nyttar fritida til å rydde stiar til glede for oss andre. Ei sjølvstendig gruppe med representantar frå dei fleste bygdene og ulike lag/organisasjonar er i ferd med å lage turkart for krinsen i samarbeid med Eid kommune. Televerksmuseum er ein ide som det vert arbeidd vidare med. Reidun Kjøllesdal har skrive i Sogeskrift for Eid i 1997 om Kjølsdalen som strandstad, og det vert arbeidd vidare for å synleggjere kulturhistoria saman med andre lag/organisasjonar og privatpersonar. Styret for Kjølsdalen Krins Utviklingslag har lagt ned betydeleg med frivillege arbeidstimar i dei ulike prosjekt, men når ein kan samarbeide godt og dra lasset i lag så går alt så mykje lettare. Ei stor takk til alle i krinsen for velvilje til dugnadsinnsats gjennom året. Vi vonar også at innbyggjarane sit att med eit inntrykk av at arbeidet som vert gjort har verdi for framtida i krinsen. Vi ber om at det vert teke direkte kontakt med styremedlemane frå eiga bygd eller leiar om synspunkt eller om ein har spørsmål til arbeidet.
Kjølsdalen 19.02.98
Styret
KJØLSDALEN KRINS UTVIKLINGSLAG PROSJEKTOVERSIKT PR. 19.02.98 Vedlegg til årsmelding 1997 PROSJEKT PROSJEKTANSVARLEG P01.95 Skuleutbygginga Reidar Lunde Krinsen har ved hjelp av dugnad fått berga folkebiblioteket, og samtidig fått til eit Bygdekontor i tilknyting til Kjølsdalen skule. Det har vore utført dugnad for 246.709,00Kr. Av dette gikk 165.000,-Kr til kommuna for Bygdakontoret. Vi hadde utgifter for 45.005,00Kr, og sitter igjen med et overskot på 42.594,00Kr. I tillegg får vi tilbakebetalt 10.9% av det tilskotet kommuna får av staten på bibliotekdelen. P02.95 Ressurs- og Behovsregistering Rønnaug Leite/Jan Sæthre Eit omfattande intervju- og registreringsarbeid er utført for å kartlegge ressursane i krinsen. Det er av stor nytte for framtidig arbeid å kjenne til innbyggjarane sine ynskje og behov. Ein oppslutnad på over 50 % gjer svara representative. Sluttrapport vert lagd fram på årsmøtet. P03.95 Distriktsaktiv skule Eldar Lien Dette prosjektet ligg i dag på is. "Trykktenester" gjer ein svært god jobb og har marknadsført bedrifta og Kjølsdalen skule utad på ein svært god måte. Nye elevbedriften kan kome til etterkvart som elevane viser interesse, gjerne som resultat av skulen sitt dataprosjekt. P04.95 Finansiering Styret KKUL utførte dugnadsarbeid for kr 16.000,- for Behovs- og Ressurskartlegginga. Bygdeutviklingsprogrammet tilfører oss kr 60.000,- frå Fylkesmannen og kr 20.000,- frå Eid kommune i 1996, 1997 og 1998. Dette har gjeve oss eigenkapital til nye prosjekt som igjen skal tilføre inntekter. Dette er eit langsiktig arbeid. Målet er å kunne opprette ein deltids- arbeidsplass ved Bygdekontoret. P05.95 Grunneigarlag Reidar Lunde Laget er no formelt skipa med Reidar Lunde som leiar. P06.95 Elektrisitetsforsyning Eldar Lien KKUL har forhandla fram ei gunstig avtale om kjøp av elektrisk straum frå Hallingkraft. I dag er omlag 50 abonnentar med på avtala P07.95 Vegkrysset i Kjølsdalen Eldar Lien Innbyggjarane i krinsen har arbeidd i mange år for å få til ei trygg innpåkøyring og kryssing av rikvegen i Kjølsdalen. KKUL har hatt ein underskriftskammpanje for å vise at det er eit folkekrav å få til ei framtidsretta, god løysing. Som strakstiltak og midlertidig løysing ser vi 60 sone som beste alternativ. Det arbeides med ulike alternativ for ei langsiktig løysing, der det blir vurdert å redusere dei tre kryssa til eitt. Eid Kommune vil presentere en plan for ei etappevis utbygging som skal legges fram til politisk behandling. Planen baserer seg på at Innsida og Utsida av elva blir knytte saman med ei ny bru, og at det blir laga til ein bilveg under eksisterande bru på innsida av elva for å få til ein trygg forbindelse til sentrum. Samtidig er det tenkt ein gangveg under brua på utsida av elva. På denne måten vil det kun vere ein av og på kjøring frå riksvegen mot nord på innsida av elva. Det vil også bli laga til skikkelig busslomme. Ei slik regulering av krysset som vil knyte dei to delene av bygda og sentrum tettare saman er svært viktig for å få nytt liv i Kjølsdalen sentrum med Nærbutikk og Omsorgsbustadar, og der ein ser Neset og Nærområdet ved skulen som ein del av det heile. P01.96 Kulturlandskapstiltak Ståle Lefdal Det har vore søkt om BU-midlar til restaurering av kulturminner og kulturlandskapstiltak. Frivillege har rydda stiar, og det er stor interesse for å nytte naturen og ta vare på kulturarven. Dette arbeidet vert vidareført. P02.96 Oppslagstavler i bygdene Rønnaug Leite Tavlene er teikna og skal lagast av Kirsti Sole Sundal. Det er søkt Eid kommune om løyve til å setje dei opp ved riksvegen. Eid kommune og Vegkontoret på Nordfjordeid har vore på synfaring, men vi det har no gått eit halvt år utan at vi har fått svar. Det er no bestemt å lage ei tavle som skal setjast opp på uteområdet ved skulen. P03.96 Rastebord i bygdene Rønnaug Leite Det vart utplassert eit bord i kvar bygd sommaren 1997. Det er opp til den enkelte bygd å syte for plassering og vedlikehald. Kontaktperson er den enkelte bygd sin representant i styret for utviklingslaget. P04.96 Næringsliv og Nærbutikk Eldar Lien WestWebInternet og Martas Datahjelp vert helsa velkomne som nyetableringar i krinsen. Utviklingslaget har som mål å knyte kontakt med næringslivet for om ynskjeleg bidra med den informasjon vi kjenner til. KKUL oppmodar om å slå ring rundt Nærbutikken. Den er svært viktig for vårt vesle bygdesamfunn. P05.96 Bygdeutviklingsprogrammet Eldar Lien Bygdeutviklingsprogrammet har gjeve oss tankar om korleis eit lokaldemokrati bør fungere for å skape engasjement og aktivitet. Ein har erfart at det er langt mellom liv og lære. Samarbeidet med Eid kommune har ikkje fungert etter intensjonane i Programmet. Ein opplever å arbeide mot ulike mål innanfor same kommune. Vi er midtvegs i Programmet - det er enno mogeleg å dra lasset i lag. P06.96 Omsorgsbustadar Eldar Lien Planleggingsnemda er ferdig med sitt arbeid og ei Byggenemd er i arbeid der Eldar Lien sit som andre varamedlem. P07.96 IT som verktøy i bygdeutvikling Jan Sæthre/Eldar Lien Utgangspunktet er at bygdene ikkje må falle utanfor datautviklinga. IT gjer desentralisering mogeleg, men har likevel vist seg å vere sentraliserande. Kjølsdalen Dataklubb har lagt grunnlaget for den kompetanse som skal til for å prøve ut korleis bygder kan gjere seg nytte av IT. Ved bygdekontoret og skulen er no 4 datamaskiner knytt saman i nett. Desse kan nyttast til opplæring, synleggjering av krinsen på Internet, innhenting av informasjon etc. KKUL oppmodar bygdefolk i alle aldrar om å bli med i prosjektet.
P08.96 Kvinnedag Rønnaug Leite Etter Kvinnedagen i 1996 vart det sett som eit mål å arrangere kvinnedagar på omgang mellom bygdene i Eid kommune (også Nordfjordeid). KKUL medverka til å skipe til Kvinnedagen i 1997 arrangert av Haugen og Dalen Bygdeutviklingslag med tema "Jenter og IT". Dette var eit svært vellukka arrangement. Det er viktig å bli kjende med kvarandre over bygdegrensene og danne nettverk.
P09.96 Husflidsutsal Rønnaug Leite I samarbeid med Frivillegsentralen i Eid v/Astrid G. Torheim og Nærbutikken v/Bjørn Aardal og husflid- og handverksprodusentane i krinsen vart det våren 1997 etablert eit utsal ved Kjølsdalen Daglegvare. Administrasjonen går på omgang mellom produsentane. Det vert kalla inn til evalueringsmøte i februar. Det kostar ein eingongssum på kr 100,- å vere med. Nye produsentar er velkomne! P10.96 Fritidsklubb Ungdomsrepresentant KKUL har no sendt brev til Kjølsdalen Ungdomslag der ein ber om eit samarbeid om dette i form av ein aktivitetskveld ved Kjølsdalen skule. Det er ynskjeleg å finne ein stad der ein kan oppbevare gamle gardsreiskapar i staden for at dei vert øydelagde og kasta. Utviklingslaget er takksame for gode innspel. P12.96 Bygdeforum 7 og 8 Mars i Kjølsdalen Eldar Lien Ei vellukka samling der ein fekk presentert krinsen og sett fokus på samhandling mellom ulike samfunnsaktørar som bygd, kommune og fylke. Prosjektet "IT som verktøy i bygdeutvikling" med Kjølsdalen skule som "mini-ressurssenter" og IT-sentral vart present for Fylkesmannen som leiar av IT-forum Sogn og Fjordane. P01.97 Televerksmuseum Eldar Lien Kjølsdalen er historisk ei av dei store televerksbygdene i fylket. Målet er å ta vare på historia og nytte denne som bakgrunn for framtidas satsing på informasjonsteknologi. Det er stor interesse for dette blant tidlegare tilsette i Televerket og det er skipa ei arbeidsgruppe som vil arbeide videre med dette. Jørgen Erviksæter og Margun Ervik er kontaktpersoner. P02.97 Skilting frå riks- og fylkesvegane mot bygdene på kommunale vegar Eldar Lien Styret har gått inn for å skilte bygdevegane med namn på endepunkt, men vi ser at det kan bli vanskeleg å samle seg om dette. Svarbrev er enno ikkje sendt. P03.97 Samarbeidsavtale skule/bygdekontor og bibliotek/bygdekontor Rønnaug Leite Avtalene er underteikna og Bygdekontoret står tilgjengeleg for alle. Styremedlemane i KKUL har nøklar som dei låner ut. Dei som vil kvittere ut eigen nøkkel betaler medlemskontingent, samt eit depositum for nøkkel på kr 100,-.
P04.97 Kommuneplanen Eldar Lien Eid kommune har sett i gang arbeid med Kommuneplanen 1997 - 2008. Utviklingslaget har halde to bygdemøter der møtereferat er presentert i "Tavla". Med bakgrunn i dette, svara som kom inn under Behovs- og Ressurskartlegginga og dei prosjekt som er i arbeid, sende KKUL innspel til planen. Eit av måla må vere å starte arbeidet med ein reguleringsplan for Kjølsdalen sentrum som omfattar framtidig løysing av det farleg vegkrysset og byggjefeltet del 2. P05.97 Olivin Eldar Lien North Cape Minerals henvendte seg til KKUL om muleg olivin-drift i Furuhovden. Det har vore diskutert i styret for utviklingslaget. Foreløpig konklusjon er at laget om ynskjeleg kan bidra for å få best mogeleg løysing på det val som grunneigarane gjer til beste for samfunn og miljø. P06.97 Uteområdet ved skulen Rønnaug Leite Ei nemd som er samansett av foreldre, skule, idrettslag og utviklingslag under leiing av foreldrerepresentant Karen Merete Bruland har med god hjelp av elevar, foreldre og andre samarbeidspartnarar fått laga ein Nærmiljøplan for området rundt Kjølsdalen skule. Kjølsdalen skule har venta lenge på uteområdet, og arbeidet går langsomt framover på grunn av vanskar med kommunale midlar. Krinsen har gått inn for å ta ansvaret for arbeidet som kjem inn under søknaden om Spelemidlar dersom storleiken på løyvinga gjer dette mogeleg. Det må dessutan større løyving til for å få til eit uteområde tilpassa Reform -97.
P07.97 Turkart Rønnaug Leite Eid kommune bad om informasjon frå krinsen til utarbeiding av turkart i Eid. KKUL har skipa ei gruppe av interesserte personar som har som mål å merke av aktuelle turstiar på kartet, rydde og merke løypene, ta vare kulturminner og kulturhistorie. Det er sendt søknad om midlar til Friluftsføremål og Aksjon Vannmiljø under prosjektnamn "Natur og Kultur i Kjølsdalen krins". |