1.1 Bakgrunn for kartlegginga

1.2 Målet med kartlegginga

Kjølsdalen Utviklingslag (seinare endra til Kjølsdalen Krins Utviklingslag) vart skipa 6.3.95 og har som mål å arbeide for styrka busetjing, godt samarbeid mellom lag, organisasjonar og næringsliv, koordinere lokale interesser og opptre som talerøyr overfor Eid kommune, rådgjevande organ overfor einskildpersonar, lag og næringsliv.

Allereie 26.4.95 vart det søkt om stønad til kommunalt tiltaksarbeid for prosjektet "Ressurskartleggjing i Kjølsdalen Krins".

I samband med dei andre tiltaka som skuleutbygging, bygdakontor og distriktsaktiv skule vart det sett eit stort behov for ei kartlegging av ressursane i krinsen og kva behov som er her.

For at laget skal kunne gjere eit best mogleg arbeid treng ein å vite kva ressursar ein har å arbeide med, kva ynskje og behov innbyggjarane har for framtida og kva den einskilde kan bidra med, dvs. ei grunnleggjande kartlegging av menneskelege og fysiske faktorar til bruk for utvikling av krinsen. I samband med den nye kommuneplanen har ei slik kartlegging stor verdi.

Tanken var å utarbeide eit skjema for registrering av alle husstandar, lag og organisasjonar. Gjennom personlege samtalar, på friviljug grunnlag, ville ein få fram opplysningar som kan nyttast i utviklings-laget sitt framtidige arbeid.

For at laget skal kunne gjere eit best mogleg arbeid treng ein å vite kva ressursar ein har å arbeide med, kva ynskje og behov innbyggjarane har for framtida og kva den einskilde kan bidra med, dvs. ei grunnleggjande kartlegging av menneskelege og fysiske faktorar til bruk for utvikling av krinsen.

Utviklingslaget sjølve har hatt heile ansvaret for kartlegginga, både utforming av spørjeskjemaet, innsamling av data og registrering / rapportering. Spørsmåla er delt inn i grupper: personlege opplysningar, opplysningar om krinsen, opplysningar om næringsverksemd og til slutt om teneste-yting og sosiale behov.

Etter ei prøvekartlegging mellom medlemane i styret, vart det søkt Datatilsynet om konsesjon til å registrere opplysningane på data. Slik konsesjon vart gjeven på visse vilkår, m.a. at alle dei registrerte opplysningar vart gjort med samtykke frå den einskilde, og at dei som gjekk rundt og intervjua måtte skrive under på teieplikterklæring.

Alle styremedlemane og ein del andre friviljuge har delteke i innsamlingsarbeidet. Totalt gjekk det med ca. 5 timar til kvart innsamla skjema, totalt ca. 810 timar.

Utarbeiding av registreringsmodell og sjølve registreringa er og utført av styret. Totalt har det gått med ca. 70 timar til utarbeiding og registrering. Til analysering og produksjon av rapport har det og gått med ca. 80 timar. Totalt for heile prosjektet ca. 960 timar.

Det er samla inn 162 skjema. Dette er ein gjennomsnittleg svarprosent for heile krinsen på 30%. I dei forskjellige bygdelaga varierer dette ein god del - frå 11 til 40 prosent. Årsaka til dette er kor aktivt innsamlingsarbeidet har vore. Det hadde vore ynskjeleg at svarprosenten hadde vore meir lik i alle bygdelaga, men ein gjennomsnitt svarprosent på 30 for heile krinsen, må seiast å vere akseptabelt. Når ein så i tillegg veit at det totalt er ført opp 273 personar, så utgjer dette 52,2% av befolkninga.

Eitt av måla var å få dei unge til å fylle ut svarskjema. Det er trass alt dei som skal bu lengst i krinsen. Av gruppa 13-15 år har 47% av dei svara på skjema sjølve, medan prosenten er ca 57 for gruppa 16-18 år. Mange av dei vaksne er ektefellar. I gjennomsnitt er det 1,7 personar pr. svarskjema

Det er svært stor spreiing på yrkesgruppene i krinsen, og det er fagfolk innan dei fleste greiner. Ikkje uventa er det bonde/gardbrukar som er den største einskildgruppa.

Den formelle utdanninga er i stor grad knytt til det yrket ein har, men det finst og dei som har spesiell kompetanse/utdanning innan heilt andre fag. Det er litt ulikt korleis det er svara på spørsmålet. Nokre har ikkje svara på spørsmålet om kompetanse, men har ført dette under utdanning og omvendt

Med naturen "rett ut for døra" er det naturleg at dette og igjenspeglar fritidsaktivitetane. Dei store gruppene ser slik ut: 4H, data, fiske, fjellturar, fotball, friluftsliv, handarbeid, jakt, lesing/bøker, musikk, trim, turgåing,

Naturen, "Tavla", butikk, bibliotek, skule/skuleutbygging er moment for det som er svært bra i krinsen - i tillegg det mellommenneskelege miljø og at vi har politisk påverknad. Det som er mindre bra går i retning av at tilhøvet mellom bygdene ikkje er det beste og at det vert stilt spørsmål til om haldningane blant dei fleste verkeleg er positive. Det som er dårleg er LIVSFARLEG VEGKRYSS og DÅRLEGE BYGDEVEGAR. Dei aller fleste meiner likevel at det er bra å bu i krinsen.

Under spørsmåla om oppgåver for laget, kommunen og andre går det klarast fram kva som må vere kommunen si oppgåve, ansvaret for infrastrukturen. 100 av dei 250 synspunkt har med vegspørsmål å gjere, slik som fartsgrense og regulering av vegkrysset i Kjølsdalen, betre standarden på dei kommunale vegane (spesielt bygdevegen i Kjølsdalen), brøyting, rekkverk, møteplassar, snuplassar osv.

Utviklingslaget sine oppgåver er knytt til å vere ein samlingsplass, eit organ for bygda, ein kanal for påverknad av kommune og politikarar.

Av næringsverksemder er naturleg nok gardsdrift den største. Arealressursane kjem ikkje godt nok fram p.g.a. manglande svar. Mange har kulturminner som dei ynskjer å verne og ressursar som dei vil utnytte. Fleire av gardbrukarane ynskjer og å reparere / byggje nytt på driftsbygningar og stølshus. Det manglar derimot tid til å få dette gjennomført - pengar og "papirmølla" er og flaskehalsar. Ca. 15 stk er interessert i informasjon om støtteordningar.

Mange har svara at dei ser moglegheiter for oppstart av næringsverksemd(er) i krinsen. Dette går særleg på å utnytte ledige lokale slik som "Skofabrikken" og "Pølsefabrikken", eller mindre hus til bygdeturisme / camping / utleige. Ca. 50 personar er dessutan interesserte i å vere med dersom andre startar opp med noko.

Kjøp og sal av næringsprodukt er eit av dei spørsmåla som har fått fleste avkryssingar. Særleg kjøp av grønsaker, bær, frukt, egg, juletre og ved. Også mange vil selje ting, helst juletre og ved. Her burde det vere moglegheiter.

Under gruppa sosiale tenester er det spørsmålet: "Kva må til for å oppnå "levande bygder" som har fått mange moment frå dei fleste, heile 400, i gjennomsnitt 2,5 moment pr. svarskjema. Dei største gruppene er: Skulen, butikk, post / postombering, bibliotek.

Spørsmåla om trivelegare sentrum og treffstader har og fått mange svar og mange av dei same momenta, dvs. eit trivelegare sentrum vil og bli attraktivt som treffstad: Bord og benker, parkeringsplass, rydding, bygdekafé, uformell treffstad i sentrum.

Ynskje om treffstader kan og knytast til behovet for ein (eller fleire) aktivitetsdagar. Utanom dei "gamle" tradisjonelle aktivitetsdagane er det ynskje om å skape nye tradisjonar. Det viktigaste momentet er likevel eit opplegg som kan innehalde fleire typar aktivitetar og dekke fleire behov samtidig, t.d. marknadsdagar med kjøp og sal, underhaldning, leikar og konkurransar. Her skal ein likevel vere på vakt mot "smitteeffekter" som resulterer i dårleg oppslutnad.

Behovet for diverse tekniske hjelpemiddel er stort, slik som datamaskin og kopimaskin. Dei same momenta kjem og fram under spørsmålet om bygdekontoret og kva som skal til for å bruke det. Dersom bygdekontoret så har ei fleksibel opningstid og opplegg for bemanning / rettleiing i tillegg til å vere godt utstyrt, vil dette bli ein mykje nytta og populær treffstad.

Utmarka er ein nytting ressurs, både som rekreasjon og grunnlag for inntekt. Her der det sjølvsagt ulike interesser som ein må sjå nærare på. Av dei som har svara på spørsmål om hyttefelt, vil halvparten bygge i hyttefelt og den andre halvparten utanfor - korleis høver dette med ynskje om fritt jaktterreng. Fred og ro i utmarka må vurderast opp mot auka ferdsel som konsekvens av betre tilgjengelegheit.

Idrettslaget og ungdomslaget har størst oppslutnad, og trass i stort spekter av organisasjonar er det ynskje om fleire - slik som fritidsklubb, lag for einslege, sangkor.

Daglegvarebutikken har fått stor merksemd i svara. Det vert stilt mange krav til korleis ein slik butikk bør vere, men ikkje direkte svar på om dette er oppfylt i dag.

KKUL får svært mange positive kommentarar for det arbeidet som er gjort til no, mange er interessert i å vere med på dugnad for krinsen, så alt skulle borge for at krinsen vil få ei svært positiv utvikling i framtida.

Ei slik kartlegging ville bli eit omfattande arbeid, og det vart diskutert ulike måtar å få dette gjennomført på.

Eitt av framlegga var å engasjere ei medialinje på ein skule til å ta seg av alt arbeidet i samarbeid med styret - utarbeide spørjeskjema, samle inn opplysningar, registrere dei og lage rapport. Dette ville avlaste utviklingslaget for ein god del arbeid.

Ei slik arbeidsform ville likevel bli problematisk, særleg med tanke på kommunikasjon mellom styret for utviklingslaget og dei som skulle utføre jobben. Elevane arbeider på dagtid medan styret stort sett arbeider på kveldstid og i helgane.

Styret såg det som svært viktig å forme spørsmåla på ein slik måte at ein kunne få fram mangfaldet av meiningar. Dette ville krevje ein del lokalkjennskap om tilhøva i krinsen - noko som ville vere vanskelegare for "utanforståande". Konklusjonen vart difor at utviklingslaget sjølv måtte lage spørjeskjemaet.

For å få eit best mogleg resultat av innsamlinga, ville det vere nødvending å "snakke med folk" og ikkje berre levere ut skjema og så håpe på å få dei tilbake - altså ein kombinasjon av intervju og sjølvstendig utfylling.

Skjemaet måtte vere forma slik at det ville vere høve til å skrive svar/meiningar/kommentarar i klartekst og ikkje berre krysse av i rubrikker. Dette ville sette store krav til forma på databasen og registreringsmåten. Dette måtte vere eit system både for summering og utrekning av diverse variablar og samtidig høve til å sortere lange setningar i klartekst. Det måtte vere høve til å gjere endringar undervegs og sette opp ulike variablar etter behov. Resultatet av kartlegginga vil kanskje vise at det vil vere behov for utdjuping av nokre av spørsmåla - seinare delundersøkingar. Det ville såleis vere nødvending at utviklingslaget sjølv hadde total kontroll og oversikt over basen.

I tillegg til dette kom så spørsmålet om personvern. Vi ynskte m.a. å ha med spørsmål om namn og fødselsår, utdanning osv. Dei som skulle svare på spørsmåla måtte vere sikre på at ikkje kven som helst skulle ha tilgang til opplysningane.

Konklusjonen vart difor at utviklingslaget sjølve måtte ha heile ansvaret for kartlegginga, både utforming av spørjeskjemaet, innsamling av data og registrering / rapportering. Styret for utviklingslaget hadde dessutan den nødvendige kompetansen for å utarbeide databasen og gjennomføre registreringa.

Styret for utviklingslaget ynskte å kartleggje mest mogleg av dei behov og ressursar som finst i krinsen. Det vart difor lagt stor vekt på å lage eit spørjeskjema som dekka alle desse. Det var naturleg å dele spørsmåla inn i grupper.

Den første gruppa var ei samling personlege spørsmål. Her var det og interessant å vite kva bygdelag vi fekk svar frå, og om ein budde på gard eller privat tomt. Det vart ein del diskusjon om skjemaet skulle innehalde namn på dei som svara. Ein kom til at dette måtte vere med dersom ein seinare skulle har høve til å kople interessene saman. (Dersom nokon ynskjer å kjøpe ved, må ein vite kven som har ved til sals.) Det vart difor nødvendig å ha eit system som sikra at utlevering av person-opplysningar berre kunne leverast ut etter skriftleg samtykke frå den einskilde. Dette vart og teke inn i teksten på sjølve skjemaet. Det vart og presisert at intervjuarane har teieplikt. Her er det og spørsmål om det ein har av yrke, utdanning, fritidsinteresser, og ynskje/behov om slike.

Den andre gruppa var spørsmål om sjølve krinsen - kva er bra og kva er dårleg - kva oppgåver bør ligge på utviklingslaget, kommunen, lag og organisasjonar, og den einskilde. Likeeins var det spørsmål om krinsen, kommunen, fylket sin posisjon i framtida.

Den tredje spørsmålsgruppa var om næringsverksemdene i krinsen - kva og kor mykje naturressursar finst det - kva ein kan tenkje seg å samarbeide om - kva ein vil selje eller kjøpe. Her er det og spørsmål om investeringsplanar, interessefelt dersom andre startar opp og eventuelle hindringar for oppstart.

Den siste gruppa handlar om tenesteyting, sosialt fellesskap og trivsel. Her er det spørsmål om kva den einskilde har behov for, alt frå PC til hushjelp - behov for treffstader - kva ein vil leige ut, selje eller låne - aktivitetsdagar og kva som skal til for å nytte utmarka - hyttebygging. Til slutt nokre spørsmål om behov for offentlege instansar i bygdene - nærbutikken - bygdeutviklingsprogrammet og interessa for dugnadsarbeid.

Dei fleste spørsmåla gjev høve til svar i klartekst, dvs. ikkje avkryssing i ruter. Dette gjer sjølvsagt registreringsarbeidet vanskelegare, men vi meinte det likevel var rett å gjere det slik. Ei slik formulering av spørsmåla gjev større moglegheiter for kreativitet slik at spørsmålsstillaren ikkje "legg orda i munnen" på den som skal svare.

Før ein kom fram til den endelege utforminga av skjemaet var det nødvendig med ei prøvekartlegging. Alle medlemane og varamedlemane i styret, til saman 1o stk., fyllte ut skjemaet på eiga hand + at dei intervjua ein person. Dei vurderte og samansettinga og formuleringa av spørsmåla. Prøvekartlegginga viste m.a. at det i tillegg til sjølve spørjeskjemaet ville vere behov for eit rettleiing for dei som skulle gå rundt og intervjue. Det ville og vere nødvendig med ei stikkordliste som intervjuarane kunne bruke dersom samtalen/intervjuet gjekk "tregt". Stikkordlista ville innehalde moment frå Prøvekartlegginga.

Under arbeidet med spørjeskjemaet vart det tidleg klart at dette ville bli ei form for registrering av personopplysningar som ville krevje godkjenning av Datatilsynet - "Søknad om tillatelse til å opprette personregister". Søknadsskjemaet er svært omfattande, heile 8 sider med spørsmål. Her må ein gjere greie for kva type register ein søkjer om løyve for, kva type personopplysningar som skal vere i registeret, kvar ein skal få opplysningane frå, kven som kan hente ut opplysningar frå registeret, i kva form desse kan hentast ut, korleis opplysningar/spørjeskjema vert oppbevart osv.

I søknaden vart det presisert at opplysningane berre vert registrert etter samtykke frå den som har gjeve dei. All seinare bruk av opplysningane må og byggje på samtykke frå den registrerte.

Datatilsynet gav slik konsesjon den 28.12.95. Dei presiserte på nytt vilkåra for konsesjonen og peikte i denne samanheng på følgjande:

Medan ein arbeidde med spørjeskjemaet vart det orientert om prosjektet på eit folkemøte / årsmøte. Her fekk styret støtte for det arbeidet som var sett i gang. Samtidig vart det diskutert prinsippa. Om ein t.d. skulle skrive namn på skjemaet, teieplikt og korleis dette skulle formulerast, og behandling av dei innsamla dataene.

Prosjektansvarleg for utarbeiding av spørjeskjema og innsamling: Rønnaug Leite og Janne Aardal

Prosjektansvarleg for database og rapport: Jan Sæthre

Prøvekartlegginga viste at det var nødvendig å intervjue flest mogeleg for å få dei til å svare på mange nok spørsmål. Det ville gå med mykje tid til dette så ein trong fleire personar til å intervjue. Styre- og varamedlemar frå den enkelte bygd delte si bygd mellom seg. Eit styremedlem var oppteken med eit stort prosjektansvar, ein varamedlem bad seg friteken frå intervjuarbeid, samt at den som skulle registrere inn skjema på databasen vart friteken. Difor vart det teke kontakt med friviljuge intervjuarar for Kjølsdalsbygda for å rekke over alle der.

• Lefdal:Elin Stølen,Ståle Lefdal
• Midthjell:Kåre Midthjell,Ann Iren Midthjell
• Haus:May Iren MoeLeif Refvik
• Ervik:Eldar Lien
• Kjølsdalen:Rønnaug Leite,Janne AardalJan SæthreJan EideReidar LundeReidun KjøllesdalKirstin MyklebustAud Marit TelvikSvein SundalKari Anne Sæthre
• Reksnes:Janne AardalReidar JohnsenKolbein Ytrehus

Intervjuarane fekk innføring i skjemaet m/ stikkordliste. Stikkordlista var ei samling moment frå Prøvekartlegginga. Denne skulle intervjuarane bruke dersom det var vanskeleg å få fram svar eller synspunkt. Teieplikterklæring for arbeidet og databasen vart signert. Alle intervjuarane fekk utdelt ei mappe med spørjeskjema, stikkordliste, teieplikterklæring, og konsesjon frå Datatilsynet. Denne mappa skulle dei ha med seg og vise fram til dei som vart intervjua. Personleg utdeling av skjema til alle medlemar i husstandane frå ca. 10 år og oppover. Det vart så gjort avtale om at intervjuar ville kome tilbake og avtale tid for samtale. Telefon der det vart avtale tid for besøk. Samtalane var oftast med alle i husstanden samla. Ofte avtale om innlevering av ferdig utfylte skjema etter ei veke. Det ferdige skjemaet vart levert ansvarleg for databasen for innregistrering.

Det var eit viktig poeng i heile kartlegginga at dei opplysningane som vart samla inn skulle behandlast konfidensielt. Intervjuarane skulle ikkje ha lov til å seie noko om kva den einskilde hadde svart på spørsmåla. Difor vart det utarbeidd ei teieplikterklæring som intervjuarane måtte skrive under på før dei starta. Det var og eit krav frå Datatilsynet at det var ei slik erklæring. Denne erklæringa skulle dei ha med seg og vise fram til dei som vart intervjua.

For at kartlegginga skulle få nokon verdi, var det svært viktig å sette av god tid, særleg i innleiingsfasen der ein la stor vekt på å marknadsføre prosjektet. Dette var avgjerande for resultatet i den neste runden, sjølve intervjuet. Det vart avtalt ein ny samtale der det vart sett av god tid.

Totalt gjekk det med i gjennomsnittleg ca. 5 timar pr. husstand, av dette ca 3,5 timar til sjølve samtalen/intervjuet.

Som ei lita "gulrot" vart det bestemt å sette opp ein premie til ein av dei som vart intervjua. Dette skulle ikkje vere noko premie for "beste svar", men eit gavekort på 500 kroner skulle trekkast ut til ein av dei som hadde levert eige skjema. Dette var for å få inn flest mogeleg sjølvstendige skjema og ikkje berre som eit namn på foreldra eller ektefellen sitt skjema.

På grunn av den store mengda av svar i klartekst måtte det utarbeidast ein eigen modell for registreringa. Det vart nytta eit vanleg Excel rekneark. Kvart spørsmål skulle registrerast i eiga kolonne. Modellen måtte og lagast slik at ein og ved seinare høve kan hente fram dei variablane ein måtte ynskje. Sjølve modellen er sett saman av fleire forskjellige rekneark som gjer det lett å hente fram og sortere ut opplysningar.

Det måtte lagast ein eigen modell som kunne halde orden på alle fødselsåra. Dei registrerte fødselsåra vert automatisk samla i årsgrupper, men modellen er laga slik at ein i tillegg kan finn ut kor mange som er født eit bestemt årstal. Ein kan t.d. og finne ut kor mange som vert 50 år i 2010, eller kor mange alderspensjonistar det vil vere i ein periode.

Spørjeskjemaet hadde til saman 135 forskjellige spørsmål, så modellen måtte innehalde så mange kolonner. Ca 90 av svara var av typen avkryssing. Det vart difor laga ein modell for automatisk oversikt over desse. På denne måten kunne ein t.d. fortløpande sjå kor mange svar som var komne inn frå dei forskjellige bygdelaga, eller kva aldersgrupper som hadde svart.

Fordi registreringsmodellen og skulle brukast av den som hadde laga den, vart det ikkje laga noko instruks for registrering. Det vil såleis vere vanskeleg for andre både å registrere og hente fram opplysningar frå basen.

Tidsbruk for å lage sjølve registreringsmodellen har vore ca. 25 timar.

Det var veldig ulikt kor mange spørsmål det var svara på på kvart skjema. Dette var og venta sidan skjemaet var laga for å dekke flest mogeleg interesser. Dette førte difor til at tidsbruken på registreringa varierte sterkt, frå 2 til 60 minutt. Gjennomsnitt ca. 17,5 minutt pr. skjema. Total registreringstid har såleis vore ca. 42 timar.

Heile datamatrisen tek ganske stor plass. Dei innsamla svarskjemaene (162) er på til saman nesten 1000 A4 sider. Når ein registrerer dette inn i ein datamatrise, tek det omlag like stor plass. Dataene er berre ordna på ein meir systematisk måte som let seg gjere å summere / kategoriserer. Sjølv om alle kolonner er "krympa" så langt råd er, vil det likevel gå med ca. 900 A4 sider om ein skulle skrive den ut. Dette vil likevel aldri bli aktuelt. Ein slik datamatrise vil ikkje bli "leseleg" om ein la alle desse arka ut over eit golv.

Som nemnt skal denne rapporten vere grunnlaget for det framtidige arbeidet i utviklingslaget. Det er difor viktig at rapporten vert grundig utforma. Den vil for alltid bli ståande som eit arbeidsdokument, både for utviklingslaget og andre som skal tene krinsen. Det er såleis lagt vekt på at rapporten skal ha ei oversiktleg utforming samtidig som den inneheld alle relevante opplysningar. Det er ikkje berre sjølve dei innsamla opplysningane som skal refererast, men og prosessen, dvs. alt som har skjedd frå ideen kom opp og til arbeidet med rapporten og evaluering.

Rapporten vil og bli formidla utover krinsen sine grenser, både til kommunen og fylkeskommunen / fylkesmannen, og til andre som er interesserte. Den er difor profesjonelt utforma og inneheld dei elementa ein profesjonell rapport skal ha. Tidsbruk til rapporten ca. 80 timar.

Svara på spørsmåla er gruppert etter same modellen som utforminga av skjemaet, jfr. punkt 3.2. Totalt er det samla inn 162 skjema med til saman 273 personar.

Denne gruppa inneheld spørsmåla frå 2 til 10 med opplysningar om kvar i krinsen intervjuobjekta bur og kva type bustad dei har, og spørsmåla 12 til 18 med personlege opplysningar som alder, utdanninga, fritidsinteresser, og kva ynskjer og behov ein har innanfor desse områda.

Spørsmål 11 og 15 inneheld namn på intervjuobjekta og deira familiemedlemar. Desse vil ikkje bli refererte i rapporten. Det vil heller ikkje bli referert opplysningar som kan "peike ut" intervjuobjekta. Namna vil stå i basen og vil berre bli "offentleggjort" når vedkomande sjølv er interessert i det, t.d. i samband med formidling av varer og tenester.

Tabellen viser og i prosent kot mange av dei busette i bygdelaga som har svara på skjemaet. Dette varierer ein god del - frå 11 til 40 prosent. Årsaka til dette er kor aktivt innsamlingsarbeidet har vore.

Det hadde vore ynskjeleg at svarprosenten hadde vore meir lik i alle bygdelaga, men ein gjennomsnitt svarprosent på 30 for heile krinsen, må seiast å vere akseptabelt. Når ein så i tillegg veit at det totalt er ført opp 273 personar, så utgjer dette ca. 51% av alle dei som bur i krinsen.

Ikkje alle har svara på dette spørsmålet 135 av 162 skjema gjev ein svarprosent på 83%. Desse 135 svara fordeler seg slik:

Det er omlag lik fordeling av dei som bur på gard og dei som bur på private tomter. Det er usikkert kor representativt dette er i høve til korleis den totale mengda av innbyggjarane bur. Det ligg ikkje føre nokon statistikk på dette for krinsen.

Alle personane som er med i basen, også dei som er ført opp som familiemedlemer utan at dei har levert eige skjema, er registrerte inn med fødselsår. Alle desse dataene er samla i ein eigen base. Ved t.d. å sette inn eit aktuelt årstal (eks. 2010) kan ein mede ein gong sjå at dette året er det 8 personar som fyller 50 år, eller 2 personar som fyller 67 år.

Totalt er det 273 personar i basen. Dette utgjer 52,2% av befolkninga.

Tabellen nedanfor er etter alder i 1997. Det er brukt aldersgrupper som passar med skuletype. Over skulealder er dei forskjellige gruppene meir tilfeldig.

Eldste person i basen er 90 år gammal.

Eitt av måla var å få dei unge til å fylle ut svarskjema. Det er trass alt dei som skal bu lengst i krinsen. Av gruppa 13-15 år har 47% av dei svara på skjema sjølve, medan prosenten er ca 57 for gruppa 16-18 år.

Mange av dei vaksne er ektefellar. I gjennomsnitt er det 1,7 personar pr. svarskjema

143 av 162 ( 88% ) hadde svara på dette spørsmålet. Av desse er 94 (66%) gifte/sambuar og 49 (34%) ugifte.

Det er svært stor spreiing på yrkesgruppene i krinsen, og det er fagfolk innan dei fleste greiner. Ikkje uventa er det bonde/gardbrukar som er den største einskildgruppa . Tabellen nedanfor viser dei største gruppene.

• Bonde / gardbrukar22
• Skuleelev20
• Pensjonist15
• Kontor / sekretær11
• Husmor10
• Barnehage 7

Elles finst her ein eller fleire av desse yrka i alfabetisk rekkefølgje:

I tillegg til yrka er det mange som har kompetanse innan andre fagfelt. Her kan nemnast:

Trass i alle denne kompetansen er det likevel ønskjer om meir. Nokre av ønska er knytt til arbeidsplassar i bygda, dvs. ikkje eit bestemt yrke, men heller ein lokal arbeidsplass. Det er likevel ei liste over bestemte yrke:

På same måten som yrke, er det og eit breitt spekter av utdanning. Sjølve spørsmålet var ikkje forma slik at det kunne kryssast av for ulike typar utdaning. Dette førte til at det er brukt ulike ord for dei same skulane. Mange har ført opp alle skulane dei har gått på medan andre berre har ført opp den høgste utdanninga, ev. utdanning ut over vidaregåande skule.

Dei eldste innbyggjarane har naturleg nok minst formell utdanning, einskilde berre grunnskule + eventuelt husmorskule eller jordbruksskule. Dei fleste yngre har minst vidaregåande skule. Dei siste 10 - 20 åra har dessutan spekteret av val i den vidaregåande skule blitt breiare og meir spesialisert, særleg innan yrkesfaga. Svært mange er framleis i ein eller annan fase i utdanninga.

Den formelle utdanninga er i stor grad knytt til det yrket ein har, men det finst og dei som har spesiell kompetanse/utdanning innan heilt andre fag. Det er litt ulikt korleis det er svara på spørsmålet. Nokre har ikkje svara på spørsmålet om kompetanse, men har ført dette under utdanning og omvendt.

Nedanfor er ei liste over den spesialutdanninga som finst i krinsen:

Også under spørsmålet om utdanning ville vi vite kva ynskjer og behov som fanst. Tanken bak dette var todelt. Vi rekna med at det ville vere ein del ynskje om kurs og opplæring som kunne arrangerast lokalt, t.d. ved å kople dette saman med dei som har utdanning / kompetanse. Det å "hoppe på" ei høgare utdanning / anna utdanning er eit stort skritt og krev motivasjon. Då ville det kunne inspirere å samtidig vite at også andre har same tankar.

Her er så ei liste over dei forskjellige ynska:

Med naturen "rett ut for døra" er det naturleg at dette og gjenspeglar fritidsaktivitetane. Dei store gruppene ser slik ut:

Men også her er det eit stort spekter av interesser, særleg "inneaktivitetar":

Lista over ynskjer / behov er mykje lenger ved dette spørsmålet enn ved dei to føregåande, så her ligg det ei stor utfordring for utviklingslaget. Ein del av svara er dei same som under behovet for utdanning, så truleg har det vore vanskeleg å skilje utdanning og fritid/hobby. Opplistinga under dette spørsmålet må såleis sjåast i samanheng med føregåande.

Her skil det seg ut nokre store grupper:

og i tillegg ei stor mengde varierte fritidsbehov:

Vi som bur i bygdene i Kjølsdalen krins bør vere oss bevisst kva som er ein styrke ved krinsen og kva som er mindre bra eller dårleg.

Det som er bra skal vi bruke som ein ressurs, det som er mindre bra og dårleg skal vi freiste å betre.

NATUR

Det som kjem tydeleg fram i dei fleste svar er "fin natur" og at denne er lett tilgjengeleg. Meir spesifisert vert sagt fint turterreng, gode mogelegheiter for jakt og fiske, fred og ro. Ord som vert nemnde er fjord, fjell og stølar. Fuglesong. "Godt å bu".

"TAVLA er topp"

Kjølsdalen Ungdomslag sender ut bygdeavisa "Tavla" ein gong i månaden. Marta Elvebakke er redaktør og elevbedrifta "Trykk-tenester" står for trykk og distribusjon.

Det er svært bra at vi har:

• butikk
• bibliotek
• skule/skuleutbygging
• barnehage
• mange lag og org. (Kjølsdalen Musikklag/Vindfylla får ei ekstra stjerne)
• samfunnshus og grendahus
• bygdekino
• dugnadsånd
• sanitetsturane
• flakedansane

Det kjem tydeleg fram av svara at det er eit spesielt godt samhald og miljø i bygdene Lefdal og Midthjell. Der er det svært bra å ha fått gatelys og skiløype mellom bygdene.

Nokre av punkta nemnde under svært bra går att som bra. Dette er ikkje uventa, men viser at dei same meiningane er på den positive "vektskåla".

I tillegg kjem det fram det mellommenneskelege miljø, vi har politisk innflytelse og ikkje minst eit ypparleg Postbod.

Her går svara i retning av at tilhøvet mellom bygdene ikkje er det beste og at det vert stilt spørsmål til om haldningane blant dei fleste verkeleg er positive.

Det er for lite tilbod til ungdomen som må reise ut av bygda kvar helg.

Noko av det som er nemnd under mindre bra kjem att under dårleg og kjem sterkast fram på den negative sida av "vektskåla". Det som kjem fram i tillegg er spesielt mangel på tomter og utleigebustader, det er vanskeleg å finne parkeringsplassar og at det sleng litt rot og skrot omkring.

LIVSFARLEG VEGKRYSS

Omtrent alle snakkar om det farlege vegkrysset i Kjølsdalen og dei andre farlege innpåkøyringane på RV15. Fleire er inne på tanken om ei omlegging av krysset for å få til ei god sentrumsutvikling.

DÅRLEGE BYGDEVEGAR

Svært mange skriv om dårleg vegstandard og dårleg brøyting, mangel på gatelys som gjer skulevegen utrygg.

ANNA:

• arbeidsplassar
• drikkevatnidrettsanlegg
• småbåthamn
• uforpliktande møteplass

Det er dårleg at ein av og til tenkjer litt kortsiktig og ser ting ut frå eigainteresse og at det rår litt "stikk deg ikkje fram"-mentalitet.

Det kjem også fram at det kan vere ein fare for at interessa for dei humanitære organisasjonane går ned til fordel for vinklubbar/dameklubbar.

Kven bør så ta tak i og arbeide med saker som er mindre bra eller dårleg?

Mange har ikkje sett svara i samanheng med spørsmåla over, men tenkt generelt. Difor kjem det fleire nye moment under dei neste spørsmåla.

Overordna oppgåver:

• lytte til innbyggjarane
• samordne tiltak som har krinsinteresse
• samle lag og organisasjonar (Kulturkalender)
• vere pådrivar overfor Eid kommune og politikarar
• betre samarbeidet mellom innbyggjarane i dei ulike bygdene i krinsen
• skape eit "levande" sentrum / styrke busetnaden
• skaffe midlar

Konkrete oppgåver:

• badeplass
• småbåthamn
• gatelys
• hyttefelt
• kulturminner/kulturlandskap/kulturhistorie
• parkeringsplassar

"Må ikkje berre favorisere sentrum"

100 av dei 250 synspunkt har med vegspørsmål å gjere som fartsgrense og regulering av vegkrysset i Kjølsdalen, betre standarden på dei kommunale vegane (spesielt bygdevegen i Kjølsdalen), brøyting, rekkverk, møteplassar, snuplassar osv.

Gatelys er eit anna svar som går sterkt att.

Dessutan:

• vasskvalitet
• idrettsbane
• tomter
• aldersbustader

Dessutan bør organisasjonane engasjere seg når det gjeld:

• idrettsbane, lysløype, turløyper
• musikk og dans
• skytebane
• temakveldar
• rydde i fjøre, langs elvar og rydde stiar

Meir detaljert utskrift av svar på spørsmålet kan vere nyttig for laga som grunnlag for aktivitetsplan.

Dei aller fleste svara lydde slik:

• Fordi eg er fødd her eller fordi eg gifta meg med nokon frå krinsen.
• Nokre få har flytta hit på grunn av arv eller tilknyting.
• Det er berre så vidt nemnt tilflytting utan tilknyting.

Eid er sentrum i Nordfjord. Varemerke: Kompetanse, kunst og kultur.

"Eid må kome på bana overfor fylket".

Her kom det fram eit sprikjande syn; frå tankar om høg posisjon til at det vil forbli ein utkant. "Sogn og Fjordane mest berømt for sine topp-botn statistikkar".

Under dette hovudkapitlet var det meininga å få ei oversikt over dei naturressursar som var i krinsen, og korleis desse vart utnytta eller tenkt utnytta. Her er spørsmål om samdrift og samarbeid, og om kjøp og sal av diverse landbruksprodukt. Likeeins spørsmål om investeringar, moglegheiter og eventuelle hindringar.

Opplysningane her gjev ikkje noko bilde av ressursane. Svært mange hadde berre kryssa av at dei hadde desse ressursane, men ikkje kor mange mål.

Her var det ikkje så mange som hadde svara noko, så lista vert teken med i si heilheit:

I tillegg hadde 9 stk kryssa av at dei har kulturlandskap utan å spesifisere dette nærare

Også under dette spørsmålet vert heile svarlista referert:

Av dei 25 som vil samarbeide om andre ting, vil 10 samarbeide om skogsveg. Resten vil samarbeide om desse tinga:

Av dei 36 som vil kjøpe anna, vil 10 kjøpe juletre, 6 vil kjøpe ved, 3 vil kjøpe flatbrød, fiskekaker, pyntegrønt, resten har ikkje sagt kva dei vil kjøpe.

Dei som vil selje anna, har ved, båt, fromasjkaker, boka "Jord og Næring", handarbeid, jordbærplantar, juletre, kjøtvarer, snikkarprodukt, sommarblomster, staude.

5 har svara JA, og 7 har svara NEI. Resten har svara slik:

22 har svara NEI, 2 har svara JA utan nærare spesifisering, 18 stk har sagt konkret kva dei kunne tenkje seg å starte opp med, fleire har og sagt kor mykje dei kan investere.

Fleire av ideane er i tilknyting til eksisterande næringsverksemd, men der er og andre "nye" idear.

Ut frå det som er sagt tidlegare, om teieplikt - og den enkelte sine "forretningsidear", vert ikkje dette konkretisert meir i denne omgang.

Dette er eit spørsmål som svært mange har meiningar om. Det går ikkje heilt klart fram av spørsmålsstillinga om ein vil starte opp sjølv eller om ein meiner at andre burde starte opp. Her er det eit svært stort spekter, fleire av typen "kjekt å ha", dvs. kanskje ikkje så realistiske.

Dei gruppene som peikar seg mest ut er:

• Utnytting av ledige lokale som "Skofabrikken" og "Pølsefabrikken".
• Bygdeturisme / gardsturisme og turisme generelt
• Campingplass
• Frisør ( 10 stemmer)
• Pelsdyr
• Gardssag / sagbruk

Elles er det mange einskilde ønskje:

• Avisbod, bakeri, besøksteneste (gratis), bruktmarknad, eggproduksjon, fjell-losar, fotpleie, gardsmuseum, guide (turistvert), heimebakeri, heimekontor, jordbær, juletre, kafé, kjøleanlegg for hjort, klekkeri, lakseoppdrett, landbruks-verkstad, minigris, nedvask av hus, økologisk landbruk, sandtak / grustak, passe born, pub, reingjering, reisebyrå, sal av suvenir, smie, snikkerverkstad, solarium, steinsliping, sykkelverkstad, vedhogst.

Dei fleste som har svara på dette, har ei viss interesse, men den er ikkje spesifisert. Det er svar som dette: "open for mange område", "det er sikkert nokon som vil vere med", "er interessert i det meste og kan lære nytt", "ja, dersom det klaffar med folk og produkt".

Ca. 50 svar er positive, eks. kafé, industri, omsorgsbustadar, opplæring, planlegging, reinhald, rekneskap, snikkarbedrift, soppdyrking.

Det er klare naturlege hinder for å starte næringsverksemd. Alder, finansiering, tid, kapasitet, lover og reglar er dei største gruppene, men og forretningsidé, konsulenthjelp til planlegging, levering av varer, nervar til å satse, byråkratiet.

Det er ca. 65 svar på spørsmålet.

Under "anna" er det desse behova:

Ca. 130 svar på dette spørsmålet. Dei fleste svara går på tilgjengelegheit:

• Faste opningstider - kvar dag og på kveldstid
• Fleksibel opningstid
• Godt utstyr som fungerer
• PC’er, kopimaskin, telefax må vere der.
• Bemanning til faste tider
• Ikkje så dyrt å bruke - gratis å bruke
• Kurs og hjelp - sekretærhjelp
• Samlingsplass - mogleg for ein prat og ein kaffikopp
• Ha plass til fleire maskiner og folk samtidig

Sjølv om det er berre 162 svarskjema er det likevel ca. 200 svar på dette spørsmålet, så behovet er tydeleg stort.

• Bør bruke samfunnshuset meir
• Bygdakafé / uformell treffstad i sentrum (37 svar )
• Fritidsklubb (23 svar)
• Pub
• Rasteplassar
• Bygge om / leige ut ledige lokale i sentrum

Dette spørsmålet har samanheng med det ovanfor. Dei fleste svara går på tiltak for å ha fleire plassar å samlast, dvs. fleire trivelegare treffstader. Ca. 150 svar på spørsmålet - fleire frå same personar.

• Bord og benker i sentrum - på Neset - ved kyrkja
• Betre parkeringsplass
• Rydding av skrot
• Planting
• Sikra leikeplass for born
• Oppslagstavler
• Sommarkafé

Ei heil samling spørsmål som går på det å leige ut eller leige, selje eller kjøpe, låne ut eller låne. Det var ikkje så mange som hadde svara på desse spørsmåla. Dei som hadde kryssa for motor hadde og kryssa av for båt.

Under gruppa "anna" er det

• Utleige av nausttomt, skiveslåmaskin, traktor og vogge
• Sal av bildeler, broderi, fotografi, kaker, kaninar, ymse teikningar
• Vil leige høgtrykkspylar og hytte
• Kjøpe gammalt naust

Ca. 160 svar på spørsmålet, men mange svar pr. person. Det er eit stort behov for aktivitetsdagar. Mange har likevel nemnt opp slike som etter kvar er blitt tradisjonar slik som 17.mai feiring, jonsokfeiring, skidagar og juleverkstad.

Det er og framlegg til diverse måtar å arrangere desse "tradisjonane" på, både med omsyn til omfang og plassering (t.d. på rundgang i krinsen, eller jonsokfeiring i fjøra eller på flakjen).

"Nye" arrangement er det og interesse for, t.d. nyttårsfeiring i samfunnshuset, open gard og ryddedagar. Elles er det mange som ønskjer ei form for marknadsdag, helst om sommaren, der det er fleire ulike aktivitetar, leikar og konkurransar samtidig.

Her skal det og nemnast at nokre meiner det er nok arrangement som det er, og at dei er skeptiske til slike "smitteeffekter".

Dette er og eit spørsmål der det er mange svar, ca. 180 totalt. Dei fleste svara går på tilgjengelegheit.

• Rydding31 svar
• Parkeringsplass29 svar
• Oppmerking / skilting20 svar
• Skogsvegar11 svar
• Kart 7 svar

Elles er det fleire som nemner området rundt Flakjen som eit friområde, brøyting av vegen til setra om vinteren, lysløyper. Det er og ein del som meiner at ein må ta vare på den fred og ro som er i dalen og at vidare utbygging vil skade dette.

Det er 32 svar på spørsmålet: Ja = 14 og NEI = 18

Av dei som vil bygge hytte er det i desse områda: Lefdalsætra, Midthjellsvatnet, Dalsætra, frå Navestøylen mot Ljådalsvatnet, innanfor Dua-området, Stigedalen - ikkje i Kjølsdalen Krins, i hyttefelt, utanom hyttefelt, til fjells.

Det er elles fleire argument for og i mot hyttefelt / spreidd hyttebygging. 27 stk har svart konkret på dette spørsmålet og har svara såleis: Ja = 12 og NEI = 15.

Dette spørsmålet var sett opp for å sjå kor mykje tid som gjekk med til dette. 124 av 162 personar hadde svara på dette ( ca. 76%). Desse 124 personane ser TV i til saman 1467 timar for veka, eller ca. 11,8 timar i gjennomsnitt pr. person. Det blir 1,7 timar pr. person pr. dag.

Det er ulikt korleis det er svara på spørsmålet. Ein del har ikkje svara i det heile. Av dei som har kryssa av, har 15 svara at dei aldri reiser, 3 har svara sjeldan. Fleire av dei som reiser, har merka av fleire typar aktivitetar. Ein del har brukt formuleringar som "3-4 gonger i året", "nesten kvar helg", osv. utan å gje opp aktivitet. Desse aktivitetane merkjer seg ut.

• 17 symjehall / bading
• 16utestadar / festar / pub / dans
• 11ski / alpint
• 7konsertar
• 6fotball
• 4kulturinnslag

Dei fleste av desse er aktivitetar som naturleg nok er sentrumplasserte. Elles er det tilbod som:

Dette spørsmålet har fått mange moment frå dei fleste, heile 400, i gjennomsnitt 2,5 moment pr. svar. Dei største postane er:

• 60 - 70Skulen
• 50 - 60Butikk
• 40 - 50Post / postombering
• ca. 40Bibliotek
• ca. 25Barnehage
• ca. 25Aldersbustader
• ca. 20Kyrkja
• ca. 20Samfunnshus
• 15 - 20Kino / bygdekino

Elles er det nemnt moment som:

Alle har svara på spørsmålet om butikken på ein eller annan måte. Ein del har svara på denne måten som: "vi handlar på Bryggja (fordi dei har andre tenester som post/bank, fleire butikkar)", "eg arbeider på Eid og handlar der", utan å seie direkte kva krav ein stiller til nærbutikken, dvs. ei praktisk ordning.

Spørsmålet var forma slik at det ikkje at det ikkje gav moglegheit til prioritering. Mange har skrive fleire moment, og dei fleste momenta går igjen i alle svara. Det er såleis litt vanskeleg å skilje ut kva som er dei viktigaste. Desse formuleringane er brukt i stor grad:

• Godt utval av daglegvarer / fast vareutval
• Dei varene ein treng til dagen / ikkje gå lens så ofte
• Reint i frukt og frysedisk / bør rydde i fruktdisken oftare
• At varene ikkje er for gamle / kvalitet på varene
• Bringing er positivt
• Kunne få utført fleire tenester på ein gong
• Ferske varer til ei kvar tid
• Fornuftige prisar / tilbod av og til
• Langdag / lengre opningstid

Det går ikkje direkte fram av svara korleis ein meiner desse krava er oppfylte i dag eller ikkje. Dette kan kanskje vere grunnlagt for ei nærare kartlegging i butikken sin regi.

I tillegg er det ein del spreidde moment som:

Dei fleste er medlem av minst eitt lag eller ein organisasjon, enkelte opp til 8-10 forskjellige. At nokre lag har mange medlemer, tyder ikkje at alle desse er aktive i organisasjonen. Det har meir å gjere med kva vervingspolitikk laget driv og kor stor kontingenten er. Idrettslaget er det største laget, men har familiekontingent som og fører til at det blir langt fleire medlemar enn aktive. Ungdomslaget er det nest største laget, men har færrast "aktive", om ein ser bort frå vaktene på flakedansane.

• 61Idrettslaget
• 49Ungdomslaget
• 27KKUL
• 22Diverse misjonsforeiningar
• 19Skulemusikken
• 18Saniteten
• 15Musikklaget
• 154H
• 13Bondelaget
• 13Skyttarlag
• 10Dataklubben
• 7Vindfylla
• 6Bondekvinnelaget
• 5Embla

Det er og sjølvsagt mange som er medlemer av politiske part1. Mange har nemnt opp desse, men ein vil tru at mange fleire er medlemer. Elles er det medlemer i :

Ut over det som dei store laga i krinsen organiserer er det framleis ein del ønskjer om fleire. Ca. 70 innspel er registrerte. Av desse er det 16 som har svart "Nei", eller at "Det er nok". Resten har desse ønska:

Ca. 125 personar eller 77% av svara har hatt meiningar om KKUL. Berre eit fåtal, 7-8 stk, har hatt negative kommentarar som:

Elles er det berre positive kommentarar,

Fleire har sagt at dei vil bli medlemar.

Også her er det god oppslutnad. 72 personar har svara eit ubetinga "JA" på spørsmålet. Eit par stykke har sagt "ja til støtte men ikkje arbeide for", eller "ja - innan visse grenser". 5 har svara veit ikkje. Det er og brukt formuleringar som "støtte bygdeutvikling", "spennende". Ingen har svara "NEI" på spørsmålet.

Mellom 120 og 130 personar har svara på spørsmålet om dugnad. Dette er mellom 75 og 80% av alle svara. Av desse er seier 2-3 at alder og helse set grense, 2-3 har sagt at dei har nok å gjere. Resten er positive til dugnad. Det tyder at dugnadsånda som vanleg er stor.

Dette er og spørsmålet som skil dei forskjellige bygdelaga i krinsen.

Når det i spørsmålet er brukt ordet "bygda", så meiner ein sjølvsagt heile krinsen. Dette burde kanskje vore presisert. Då ville ein ikkje fått formuleringar som:

Vi oppfattar likevel også desse svara som positive. Dermed er det totalt eit stor potensiale for dei som skal planleggje dugnader - over 100 personar. På lista er det nok heilt sikkert mange som ikkje er blitt spurde om dugnad tidlegare, eller svært sjeldan. Korleis ein skal få formidle dette, må ein sjå litt nærare på ut frå det som er sagt tidlegare om teieplikta. Vi må finne eit system for dette. Mange har svara kor mange timar dei kan arbeide utan å nemne arbeidsfelt, andre har sagt konkret kva type arbeid dei kan gjere.

Ved gjennomgangen av dei forskjellige svara ovanfor er det berre gjort såkalla einvegsanalyse, dvs. berre oppsummert spørsmålet. Ein har berre i mindre grad kopla saman fleire variablar.

Slik basen er organisert er det t.d. mogleg å finne ut kva dei forskjellige bygdene har svara, eller korleis fordelinga er på aldersgruppene.

Grunnen til at dette ikkje er gjort i denne omgang er at utvalet på enkelte variablar er for lite slik at det ikkje gjev noko klart bilde. Uansett vil svara vere nyttige for dei som skal arbeide vidare med dei.

30% av innbyggjarane i krinsen har levert inn eige skjema. På desse var det ført opp namn på til saman 273 personar eller ca. 51% av befolkninga. I gjennomsnitt er det 1,7 personar pr. svarskjema.

Det hadde vore ønskjeleg med ein høgare prosent for dei som leverte eige skjema, særleg når ein ser på fordelinga mellom bygdelaga. Dette varierer ein god del - frå 11 til 40 prosent.

Strategien i innsamlingsarbeidet kunne vore betre planlagt og følgt opp. Det burde vore sett opp milepelar. Etter fortløpande registrering burde det vore gjeve tilbakemelding til innsamlarane om korleis dei forskjellige bygdene "låg an" slik at dei kunne korrigere innsatsen.

Etter at innsamlingsarbeidet var ferdig har det gått litt lang tid før den endelege rapporten er ferdig. Ein del av svara har likevel vore brukt i ulike samanhengar, m.a. i arbeidet med kommuneplanen. Heile rapporten burde vore ferdig til den tid, slik at den kunne gå inn som dokumentasjon.

Nokre av spørsmåla kunne kanskje vore formulert annleis, eller det kunne vore betre presisert kvifor ein ville ha svar.

Til dømes har ein liten nytte i svara om arealressursar. Dei fleste har berre kryssa av at dei har t.d. utmark men ikkje kor mykje. Dersom dette framleis er interessant å vite kan ein kartleggje dette nærare, men då mot den bestemte målgruppa som har slike ressursar.

Målet med kartlegginga har vore å få ei oversikt over menneskelege og fysiske ressursar og behov i krinsen. Etter dei svara som er komne inn må ein seie at ein har nådd målet.

Rapporten gjev eit svært godt grunnlag for det vidare arbeidet med bygdeutviklinga. Den gjev sterke signal til kva utviklingslaget bør prioritere, og den stiller krav både til kommunen og politikarane om å ta del i utviklinga. No veit ein kva krinsen vil ha og ein veit og kva krinsen sjølv vil stille opp med for å nå fram.

Prosjektet bør markedsførast langt ut over krinsen sine grenser som eit døme på ein god bygdeutviklingsprosess.